Hacınski Fərhad İsmayılbəy oğlu

  • Hacınski Fərhad İsmayılbəy oğlu
    İdarə Heyəti Sədrinin Birinci Müavini
    Geri

    Fərhad Hacinski 1976-cı ildə Bakıda anadan olmuşdur. 1993-cü ildə orta məktəbi bitirdikdən sonra Azərbaycan Tibb Universitetinin Tibb fakültəsinə daxil olmuşdur. Universitetdə təhsil almaqla yanaşı Maliyyə Menecmenti ilə maraqlanmış və Azərbaycan Auditorlar Palatasının potensial təkmilləşdirmə proqramı çərçivəsində bir illik beynəlxalq layihədə iştirak etmişdir. O, Almaniyada Avropa İttifaqı Akademiyasında bu layihəni müvəffəqiyyətlə başa vuraraq, proqramda iştirak edən 500 peşəkar mühasib və maliyyə mütəxəssisi arasında 2-ci yeri tutmuşdur. Həmçinin  Mançester Universitetinin MBA dərəcəsini almış və CIMA-nın iki dərəcəsi üzrə sertifikatlara yiyələnmişdir.

    1999-cu ildən etibarən o FINCA AZERBAIJAN qeyri-bank kredit təşkilatında kredit mütəxəssisi kimi peşə karyerasına başlamışdır. Bundan başqa, o karyerasında sürətlə inkişaf edərək, Promtexbank JSKB ASC-də Kredit Departamentinin müdiri, UniBank-da Korporativ Müştərilər Departamentinin müdiri vəzifəsində çalışmışdır. 2002-ci ildə Fərhad Hacinski Almaniyanın Əmanətlər Kassası Fondunun (SBFIC) təklifini qəbul etmiş və Fondun Azərbaycanda müxtəlif layihələri üzrə bank məsləhətçisi kimi fəaliyyət göstərmişdir. Qeyd etmək lazımdır ki, Farhad Hacinski müxtəlif illərdə Bank Respublikanın Kredit Departamentinin müdiri, KredAqro qeyri-bank Kredit Təşkilatının Müşahidə Şurasının üzvü, Caspian Beynəlxalq İnvestisiya Şirkətinin (CIIC) İnvestisiyalar üzrə Direktoru, Rabitəbank QSC-nin İdarə Heyətinin Sədr müavini kimi bir sıra rəhbər vəzifələrdə çalışmışdır. Professional Solutions və H & N Partners kimi konsaltinq şirkətlərinin həmtəsisçisi olmuşdur.

    22 İyul tarixindən etibarən o, NİKOİL Bankın İdarə Heyətinin Sədr Müavini kimi çalışır.

    Fərhad Hacinski, aktiv həyat tərzi sürür. Evlidir və iki uşağı var.

Valyuta
13.12.2018
13.12.2018
Alış
Satış
  • USD
    1.7000
    1.7030
  • EUR
    1.9000
    1.9450
  • RUB
    0.0247
    0.0258
  • GBP
    2.0600
    2.1650
13.12.2018 Alış Satış
USD 1.7000 1.7030
EUR 1.9000 1.9450
RUB 0.0247 0.0258
GBP 2.0600 2.1650

Valyuta konvertoru