İlin yekununda NİKOİL / Bankın kollektivi dünya azərbaycanlılarının həmrəylik gününə həsr olunmuş ənənəvi yeni il qaçış yarışını həyata keçirdi. Bankın öz əməkdaşları ilə yanaşı, bu tədbirdə eyni zamanda, əməkdaşların ailə üzvləri, müştərilər və Bankın partnyorları da iştirak etdilər. Dənizkənarı bulvarda müəyyən olunmuş marşrut üzrə qaçışı həyata keçirərək NİKOİL /Bankın komandası hər zaman sağlam həyat tərzini təbliğ edən kollektivin birgəliyini bir daha göstərdi! Qaliblər Bankdan dəyərli hədiyyələr qazandılar.